Сумын “Гэмт хэргээс урьдчилан сэргийлэх ажлыг зохицуулах салбар зөвлөл” / ГХУСАЗСЗ/ 2020 оны 04 дүгээр сараас эхлэн “Архигүй амьдарч болдог юм” нөлөөллийн аяныг эхлүүллээ. Аяны хүрээнд ГХУСАЗСЗ нь архины хамаарал бүхий иргэдэд соён гэгээрүүлэх, сургалт, нөлөөллийн ажлыг тухайн хүнд гарч байгаа үр дүнгээс хамаарч нэг сараас нэг жилийн хугацаатай хүртэлх дамжаанд хамруулах юм. Аян эхэлснээс хойш суманд архи уусан иргэдийг дамжааны ангид шууд элсүүлж байгаа бөгөөд дамжаанд анхлан элсэгчид нийтийн эзэмшлийн гудамж талбайд хог цэвэрлэх, сумын аж ахуйн ажилд дайчлагдах зэрэг ажлуудад оролцоод  сургалт, нөлөөллийн дамжаандаа суухаар зохицуулалт хийж ажиллахаар төлөвлөсөн байна.